die mannetjie

jou hande weergalm ‘n soeke na meer

al hoe dieper grou

jy in die aarde opsoek na vrugbare grond

om op te tel in verbrokkeling

klonte plof

na onder en breek

die reuk oop vir al wat leef

in die oomblik

wysheid antwoord met ‘n

ewige standvastigheid

bied ‘n veilige gebied vir rus

op die rug

son word vervang deur maan

seun word man

mannetjie

moet nooit ophou soek nie.

– Francois van Dijk